Halló fólk!

Jæja þessi dagur er þá loks á enda! Það var bara ágætt í vinnunni í dag. Stelpurna gerðu samt smá grín að mér um 3 í dag!!! Við vorum að pakka einhverjum kokum og ég varð svo svöng að ég hringdi í mömmu og bað hana um að gera vöfflur handa mér og hún gerði það! Stelpurnar sögðu að ég væri dekruð!!! Mér finnst nú bara allt í lagi að mömmur geri svona fyrir mann annað slagið!! Og hana nú!!!

Ég tek gleði mína á ný á morgun því það kemur amma mín í vinnuna og þá losna ég úr eldhúsinu!! JIBBY!!! OOO það verður svo gott! Svo verð ég í fríi á föstudaginn því það er starfsdagur á leikskólanum. Erna Rún verður hjá okkur Sindra meðan mamma verður að vinna. Og svo Akureyri á laugardaginn! Þetta er algjört æði! Já mig hlakkar nú ekkert síður til að sjá Ávaxtakörfuna frekar en syni mínum! Svo er spurning hvort að maður finnur sér einhverja vitleysu til að eyða peningunum sínum í þarna innfrá! Annars kannski hef ég ekki alveg rétt á því, þar sem að ég er nýbúin að panta upp úr H&M!! Er reyndar ekki búin að fá þetta sent en mér er sama!

Já ég hef ekkert mikið meira að segja í dag held ég þannig að ég bið að heilsa!

Hæ fólk!

Jæja maður er nú ekkert alltaf að standa sig rosalega vel með þessa blogg síðu, en ég reyni að gara mitt besta!!

 Dagurinn í dag var nú alveg ágætur bara, var reyndar voða löt eitthvað!!  En ég gerði samt helling! En kannski getur maður alltaf gert meira! En ég var allavega ekki svona pirruð í dag eins og í gær!  Ég veit nú reyndar ekki ástæðuna fyrir þessum pirring mínum í gær, kannski var þetta bara svona mánudagspirringur eða eitthvað! Ég varaði Ágúst og Reynir við því að ef að þeir mundu allt í einu finna svona óútskýranlegar slettur allt í einu á sér, þá væri það bara ég að springa úr geðvonsku!! En það gerðist nú sem betur fer ekki og ég er hér í dag!! Hvort sem ykkur líkar það betur eða verr!!!!

Einar Garðar kom í gær til að skoða húsið hjá okkur og ég held að honum hafi bara litist vel á það og ætlaði að heyra í Halldóri Þór í dag!! Vonandi gengur það bara allt fínt! Það væri aðeins tilbreyting í því ef að eitthvað gengi upp hjá mér þessa dagana!! Það væri allavega svona öðruvísi!!

Ég hitt Ólöfu Magnús þegar hún var hérna um helgina, hún var bara nokkuð brött,allavega svona miðað við aðstæður! En það var gaman að sjá hana eins og alltaf!

Um helgina er stefnan tekin inn á Akureyri  með mömmu, Ernu Rún og Sindara Þór. Við erum að fara á Ávaxtakörfuna!! Bara gaman af því! Ég held bara að það verði fínt! Tryggvi verur í göngum um helgina, þannig að við Sindri verðum bara ein heima frá fimmtudegi.

Já svo er sláturtíðin að fara að byrja og allt í lagi með það, en ég sé ekki mikið gleðitímabil þar framundan eftir vissar fréttir sem að ég fékk!!!  Og SUMIR hlóu bara af áhyggjum mínum gagnvart þessu tímabili!!  Svona fólk sko!!!

Jæja best að  hætta þessu blaðri, bið að heilsa!

Halló allir þið sem lesið þessa síðu!

Ég er að reyna að koma með eitthvað hérna þar sem að margir treysta á mig að sjá þeim fyrir lesefni! Best að reyna þá að galdra eitthvað bull fram úr erminni!

Í gær var Tryggvi minn í fríi, það hefur ekki gerts oft upp á síðkastið og við ákváðum að við litla fjölskyldan skyldum fara á gæsaveiðar saman!! Þá var rokið í það að dressa sig upp! Það var nú mis falleg sjón!!! Sindra fannst þetta agalega spennandi og hljóp til að ná í byssuna sína til að fara á veiðar!  Ég dressaði mig í vöðlur og var alveg GEÐVEIKT SEXY!! (ja eða eitthvað!) Það gekk svona upp og ofan að komast í þetta djásn ,en það hafðist með hjálp Tryggva!! Við vorum mjög gáfuleg á að líta þarna í forstofunni að reyna að koma mér í þetta! Og ég get svo svarið það að ég var eins og spítukall!! Mikið er ég feign að ég var ekki Gosi í fyrralífi, það er ekki auðvelt að hreyfa sig þegar maður er eins og spítukall!! En þetta lagaðist allt  eftir smá stund þegar ég var búin að labba nokkra hringi um í garðinum og inni í íbúð. En þessar gæsaveiðar urðu nú ekki að miklu, þar sem að það sást ekki til gæsar!! En þá fórum við bara í kaffi í Lundi. Anna Karen kom svo með okkur heim, því tengdó voru að fara á djammið á Húsavík. Það var nú ekkert gert í gær nema að liggja fyrir framan sjónvarpið í leti. Ég reyndar tók einn hring á ryksugunni um íbúðina!

Dagurinn í dag hefur líka bara verið leti, ég tók samt einn hring með tusku í stofunni áðan!!  Svo er stefnan tekin í Lund einhverntíman á eftir í grill!

Ég held að ég hafi ekkert meira að segja í bili, bið bara að heilsa!

Jæja komið þið sæl og blessuð!

Ég ákvað að það væri komin tími til að ég færi að blogga eitthvað bull!

Það er annars ekkert rosalega mikið að frétta hjá mér, en kannski eitthvað sem ég get tuðað um hérna!

Á föstudaginn fór ég heim eftir vinnu og tók íbúðina mina í NEFIÐ!!! Um kvöldi borðaði ég svo grill heima hjá mömmu í mínu boði!

Á laugardaginn fór ég í Lund og þreif íbúðina fyrir tengdaföður minn því það var von á tendgamömmu minni og Önnu Karen heim á Sunnudag.  Kötturinn hennar Önnu hafði ætlað að vera voða góður og hefur komið með fugl inn í herbergið hennar Önnu einhvern tímann því herbergið hennar var allt út í fjöðrum og blóðslettum!!  Mjög fínt, þannig að ég verð að hamast extra mikið í hennar herbergi! Eftir þessi þrif fór ég niðrí Sel því þar var mamma mín með son minn. Ég kíkti náttúrulega á nýjustu prinsessuna og hún er algjört krútt!  Hún er alveg eins og Eva Bryndís var þegar hún fæddist!

Svo á leiðinni heim úr seli sáum við Sindri tvær stelpur á leiðinni á hestbaki og þá sagði Sindri; “mamma stelpur eiga ekki að vera á hestbaki bara strákar”!!!! (þetta er bara fyrir ottó minn, sem vildi endilega heyra fleiri karlrembu sögur af Sindra)

Ég gerðist svo fræg fara í party í Hrútakofanum á laugardagskvöldið!!  Ég var nú ný stigin upp úr baðinu, komin í náttfötin og með flétturnar í hárinu þegar Tryggvi kom með þessa uppástungu!!  En ég skellti mér bara í betri gallann og hringdi í Perlu og við gömlu skelltum okkur!  Þetta var bara hið fínasta party, það var svona passlegur fjöldi þarna. Ég var alveg upp á mitt besta í því að skammast í fólki!!! En það var bara gaman af því! BacardiLemon fór misvel í mannskapinn!!!  Taskan mín fór aðeins illa út ú slettu frá Bacardilemon manneskju!! Það var ALLT blaut í töskunni!! Síminn minn var RENNANDI!!!! Taki til sín sem á!!!!   Tryggvi var ýmist á gítarnum eða með pottinn í eldhúsinu!!!  En þetta fór bara allt vel fram allavega meðan ég var þarna og þetta var bara hin ágætasta skemmtun!!

Það var bara ansi rólegur dagur í dag í lambinu þannig að við Lára vorum nokkuð nettar bara í dag!

Jæja er hætt í bili, takk æðislega og bæ!

Góðan daginn gott fólk!!!

Jæja þá er þessum brjálaða vinnudegi lokið!! Það var frekar mikið að gera í dag! Það þurfti að pakka öllu jafn óðum og það var sent. Við Lára vorum nú ekki alveg upp á okkar besta og við vorum svona pent að MISSA okkur en Hjörvar kom í pökkun og hélt uppi stuðinu þannig að dagurinn lagaðist aðeins!! Gærdagurinn fór eingöngu í það að pakka saltkjöti!! Og það frekar ógeðslegu saltkjöti! JAKK!!!!!!

Það var fótbolti á mánudagskvöldið og það var bara mjög gaman! Það voru reyndar ekkert rosalega margar stelpur þannig að Kolla gella fór bara og pikkaði upp stráka til að vera með okkur. Mér leið alveg ótrúlega vel eftit þessa æfingu, það er svo gott að hkaupa svona annað slagið!

Ég hef komist að því að sonur minn er efni í KARLREMBU og mér finnst það ekki sniðugt!!! En það er kannski ekki komist hjá því að hann verði það greyið! Ég held að systir mín sé líka á góðri leið með að verða það líka! Ekki sniðugt, alls ekki sniðugt!

Jæja ég get ekki skrifað meira í bili See you!

Sælt verið fólkið!

Jæja þá er þessum mánudegi lokið í vinnunni. Dagurinn var svo sem alveg ágætur ekkert alltof mikið að gera en samt sem áður alveg nóg að gera. Tíminn leið reyndar ansi hratt eftir hádegið ég ætlaði bara ekki að trúa mínum eigin augum þegar ég áttaði mig á því að dagurinn væri að vera búinn. Annars var bara hálfgerð veisla í kaffinu í dag, það var mara marsípanterta og læti!!! Og hún verður á borðinu næstu daga.

Svo stendur til að hafa fótboltaæfingu hér á skerinu í kvöld og það verður bara að koma í ljós hvort að ég kemst á hana eða ekki. Það getur nefnilega verið að hann Tryggvi minn þurfi að vera í bragganum í kvöld og gera við bílinn okkar, því það slitnaði bensínbarki um daginn og við höfum ekkert getað notað hann og Tryggvi ekki haft tíma til að gera við sökum anna í vinnunni. Við ætluðum reyndar að fara í bílabras í gær því að Tryggvi var í fríi í gær en það mistókst því að tengdapabbi hringdi til að fá hann með sér í heyskap!

Í gær forum við mamma með krakkana niðrí byrgi að skoða endurnar. Þær lifðu nú ansi góðu lífi meðan við vorum þarna því krakkarnir voru að gefa þeim snakk!! Og þær voru þvílíkt æstar í það! Gærkvöldið var svo bara tekið með ró fyrir framan sjónvarpið eftir að ég vaknaði aftur eftir að hafa svæft Sindra!

Jæja þetta er gott í bili bið bara að heilsa!

Halló gott fólk!!

Jæja þá er ég hér mætt til að reyna að koma frá mér einhverju bulli!! Í gær eftir vinnu fóru ég ,Sindri, Tryggvi og tengdapabbi til Húsavíkur. Tryggvi var að klára móturhjólaprófið og  stóð það með príði!!! Við gerðum nú ekki mikið á Húsó við bara vesluðum og fórum svo heim! En þetta var ágætis tilbreyting! Þeir feðgar fóru svo snemma að hátta í gær en ég var ekki orðin svona þreytt eins og þeir þannig að ég gerði mér ágætis hreiður upp í sofa og las eina bók af Ísfólkinu!! Ég er að lesa þær í annað skiptið núna og ég er bara óstöðvandi í því!! Ef að ég byrja þá get ég bara ekki hætt og hætti yfirleitt ekki fyrr en bókin er búin!!! Ég er algjör ÍsfólksNÖRD!!!! En það er bara gaman af því!!

En já ég átti nú eftir að skrifa fæslu um fótboltaferðina hjá okkur stelpunum!! Þetta var bara mjög skemmtileg ferð og vel heppnuð!!! Við biðum í dálítinn tíma við sandfellshaga því Kolla í Mörk var að koma frá Húsavík og vildi vera með okkur og við vorum sko alveg tilbúnar að bíða því þar er ansi góð fótboltagella á ferð!!! En þær sem fóru voru:

                                                Kristín Ósk

                                                Magnea Dröfn

                                                Salbjörg

                                                Perla Dögg

                                                Sara

                                                Sandra Huld

                                                Jóhanna

                                                Kolla

                                                Svala Rut

Já þetta er sem sagt hópurinn sem að fór!!!! Og langar mig til að þakka þeim alveg kærlega fyrir að koma og taka þátt í þessu!!! Mér fannst við bara standa okkur mjög vel , þrátt fyrir litla æfingu í sumar!! Þetta byrjaði með smá vandalmáli um það hver skyldi vera í marki og náðum við að plata Söndru Huld í það að taka það að sér!! Og stelpan stóð sig alveg ótrúlega vel!!! Hún á alveg HELLINGS HRÓS skylið fyrir þessa framistöðu sína!!! HIPP HIPP HÚRRA, HIPP HIPP HÚRRA, HIPP HIPP HÚRRA!!!!!!!

Já þar hafið þið það, ég er virkilega stolt af henni og ég mundi nú halda að þær hinar séu það líka og mér finnst bara allt í lagi að láta hana vita af því hvað hún stóð sig vel þessi dúlla!!! Hún má alveg vera montinn af sér fyrir þetta!!! Mér persónulega fannst við vera að spila betri fótbolta, ja kannski fyrir utan smá reiðiskast Magneu!!!!, en svona í heildina litið þá fannst mér við vera að standa okkur betur í þessum  leik!!

En nú ver ég að hætta því ég þarf að aðstoða hana móður mina!!! Takk aftur stelpur fyrir þessa kvöldstund!!! Við stóðum okkur ALLAR FRÁBÆRLEGA og megum bara vera montnar af því!!!!

Hæ fólk!

Jæja ekki hefur borið á þeim sem að hafa svona mikið um mig að segja ja nema þessu Æ þarna en hvernig væri bara að þú æ kæmir fram undir þínu rétta nafni? og svo þið hin á eftir, það væri nú gaman af því!

En í dag hætti ég snemma að vinna og fór með Sindra Þór til að sjá brúðubílinn!!! Það var nú ansi gaman bara, maður mundi nú alveg eftir þessu síðan maður var krakki. Honum fannst þetta alveg æðislegt og sat stjarfur allan tíman!

Á eftir erum við nokkrar gellur að fara inn á Þórshöfn og taka leik við stelpurnar þar! Ég er svona nett stressuð yfir þessu því æfingarnar í sumar hafa nú ekki verið merkilegar og frekar fáir á hverri æfingu þannig að þetta verður ansi skrautlegt hjá okkur held ég. Svo rétt náði ég bara að skrapa saman í lið!! En þetta á umfram allt bara að vera GAMAN!!!

En já bið bara að heilsa í bili er farin að græja mig fyrir boltann!!! Jabadabadú!!!

hæ fólk

Ég hef ekki mikið að segja í þetta skiftið en ég er að velta fyrir mér nokkrum manneskjum sem hafa verið að tjá sig hérna á síðunni minni! Kannski er þetta allt sama manneskjan en það sem þessi manneskja hefur svona mikið út á mig og mitt líf að setja þá finndist mér allt í lagi að sá eða sú geti nú alveg drullast til að koma fram undir sínu eigin nafni en ekki einhverju dulnefni! ERTU MAÐUR EÐA MÚS???? BRING IT ON!!!